Мадриднинг "Атлетико" клуби "Кристал Пэлас" марказий ҳимоячиси Марк Гехига даъвогарлар сафини тўлдирди.
25 ёшли футболчи мавсум якунлангач "бургутлар" билан тугайдиган шартномасини узайтирмасликка узил-кесил қарор қилди. Журналист Маттео Мореттонинг маълум қилишича, "матрасчилар" инглизнинг атрофидагилар билан алоқага чиқишган ва уни ўз сафларига оғдириб олишга жиддий бел боғлашган. Футболчига "Бавария," "Барселона" ва "Ливерпуль" клублари ҳам қизиқиш билдирмоқда.
Янги йилнинг январь ойидаёқ Марк Гехи хориж клуби билан шартнома олдидан келишув тузиш имкониятига эга бўлади. Жорий мавсумда "Кристал Пэлас" сардори 20 та ўйинда майдонга тушди ва 1 та гол ҳамда 3 та голли узатмага муаллифлик қилди.
