"Liverpul" bosh murabbiyi Arne Slot qoniqarsiz natijalar tufayli ishsiz qolish xavfi ostida.

Kuni kecha "qizillar" Chempionlar ligasida o‘z maydonida PSVga imkoniyatni boy berib qo‘ydi (1:4). Bu ingliz grandining ketma-ket uchinchi yirik mag‘lubiyati. De Telegraaf xabariga ko‘ra, "Liverpul" niderlandiyalikni yaqin vaqt ichida iste’foga chiqarishga qaror qilsa, unga taxminan 10 mln funt (deyarli 11,5 mln yevro) to‘lashi kerak bo‘ladi.

Arne Slot 2024 yilning yozida Yurgen Klopp o‘rniga jamoani qabul qilib olgandi. Angliya Premyer-ligasining amaldagi chempionlari 12 turdan so‘ng turnir jadvalida atigi 12-o‘rinni egallab turibdi.