"Tottenxem" bosh murabbiyi Tomas Frank o‘ziga nisbatan bildirilayotgan tanqidlar haqida gapirdi. Daniyalik mutaxassisni ko‘pincha o‘ta ehtiyotkor o‘yin uslubida, jamoani hujumda ushlab turishda ayblashadi.
"Men haqimda yozganlarini o‘qimayman. Ishga rozi bo‘lar ekanman, mag‘lubiyatdan keyin meni tanqid qilishlarini juda yaxshi bilardim. Lekin bu meni mutlaqo qiziqtirmaydi. Men faqat o‘zim ishongan odamlarga quloq solaman", - dedi Frank bugun bo‘lib o‘tadigan Premyer-liga doirasidagi "Fulxem"ga qarshi o‘yin oldidan.
"Tottenxem" Angliya chempionati turnir jadvalida to‘qqizinchi o‘rinda bormoqda.
