"Manchester Siti" sardori Bernardu Silva Xosep Gvardiolaning murabbiylik faoliyatidagi o‘zgarishlar haqida gapirdi.

Katta ehtimol bilan, bu mavsumda "shaharliklar" barcha davrlardagi eng "nogvardiolcha" uslubda o‘ynashmoqda. Silvaning so‘zlariga ko‘ra, murabbiy o‘zgarishlarni ataylab kiritmoqda.

"Gvardiola juda o‘zgarib ketgan, boshqa o‘yin ko‘rsatishga harakat qilmoqda. Unga o‘zgarish yoqadi - u boshqa jamoalar bizning uslubimizga moslashayotganini juda yaxshi biladi. Har yili ish beradigan yechimni topish qiyin, lekin Pep aynan shunga harakat qiladi - bu uning o‘ziga xos xususiyati. Premyer-liganing oltita chempionligi o‘zi haqida gapiradi. Hozir bizda ko‘plab yosh futbolchilar bor, ularga vaqt kerak," - deya Bernarduning so‘zlarini keltiradi City Xtra.

Bugun "Manchester Siti" o‘z maydonida "Lids"ga qarshi bahs olib boradi.