"Bavariya" bilan tuzilgan ijara shartnomasida ko‘rsatilgan Nikolas Jeksonni "Chelsi"dan sotib olish majburiyati aniq kuchga kirmaydi. Myunxenliklar hujumchini Bundesliga va Chempionlar Ligasida 40 ta o‘yinda kamida 45 daqiqa maydonda bo‘lsa, 65 million yevroga sotib olishlari shart edi. Abendzeitung nashrining ma’lum qilishicha, senegallik futbolchi bu shartni endi hatto nazariy jihatdan ham bajara olmaydi.
Germaniya grandi hali ham o‘z xohishiga ko‘ra Nikolas Jekson transferini amalga oshirishi mumkin, biroq klub ma’muriyati buni rejalashtirmayotganini ma’lum qildi. 24 yoshli futbolchi Vensan Kompani jamoasi tarkibida barcha musobaqalarda 14 ta o‘yinda ishtirok etib, 4 ta gol urdi va bitta gol uzatmasini amalga oshirdi.
