"Бавария" билан тузилган ижара шартномасида кўрсатилган Николас Жексонни "Челси"дан сотиб олиш мажбурияти аниқ кучга кирмайди. Мюнхенликлар ҳужумчини Бундеслига ва Чемпионлар Лигасида 40 та ўйинда камида 45 дақиқа майдонда бўлса, 65 миллион еврога сотиб олишлари шарт эди. Abendzeitung нашрининг маълум қилишича, сенегаллик футболчи бу шартни энди ҳатто назарий жиҳатдан ҳам бажара олмайди.

Германия гранди ҳали ҳам ўз хоҳишига кўра Николас Жексон трансферини амалга ошириши мумкин, бироқ клуб маъмурияти буни режалаштирмаётганини маълум қилди. 24 ёшли футболчи Венсан Компани жамоаси таркибида барча мусобақаларда 14 та ўйинда иштирок этиб, 4 та гол урди ва битта гол узатмасини амалга оширди.