"Pari Sen-Jermen" bosh murabbiyi Luis Enrike Liga 1 doirasidagi "Monako"ga qarshi o‘yindagi mag‘lubiyatga izoh berdi. Monegasklar minimal hisobda peshqadamdan ustun keldi. Yagona gol 68-daqiqada Takumi Minamino tomonidan kiritildi.
"Bunday o‘ynaganingizda, shuncha xato va noaniqliklar yuz bersa, g‘alaba qozonish mutlaqo imkonsiz," - deb ta’kidladi parijliklarning ispaniyalik murabbiyi o‘yindan so‘nggi suhbatda.
"PSJ" Fransiya chempionati turnir jadvalida 1-o‘rinni saqlab turibdi, ammo 2-o‘rinda borayotgan "Marsel" atigi 1 ochko ortda qolmoqda.
