"Bavariya" faxriy prezidenti Uli Xyoness jamoaning bu mavsumdagi o‘yini haqidagi fikrlari bilan o‘rtoqlashdi.

Myunxenliklar Bundesligada yetakchilik qilmoqda va Chempionlar Ligasida ham ijobiy o‘yin ko‘rsatmoqda.

"Bu mavsumda biz eng yaxshilar bilan raqobatlasha olishimizni isbotladik. Biz dunyoning eng yaxshi jamoalaridan biri bo‘lgan "Chelsi"ni mag‘lub etdik, Parijda g‘alaba qozondik, ammo Londonda ajoyib "Arsenal"ga haqli ravishda yutqazdik.

Men "Bavariya"ni dunyoning eng yaxshi uch yoki beshta jamoasi qatoriga qo‘shgan bo‘lardim", - dedi Xyoness.