Jeymi Vardi so‘nggi bir yarim yil ichida ilk bor dubl qayd etishga muvaffaq bo‘ldi. "Kremoneze"ning 38 yoshli hujumchisi A Seriya doirasida "Bolonya"ga qarshi o‘yinda (3:1) ikki marta raqib darvozasini ishg‘ol qildi.

Angliyalik forvard birinchi bo‘lim davomida - 35-daqiqada gol urdi, keyin esa tanaffusdan ko‘p o‘tmay 50-daqiqada raqib darvozasiga yo‘l topdi.

Vardining oldingi shunga o‘xshash yutug‘i 2024 yil 29 aprelda, u hali "Lester"da o‘ynaganida qayd etilgan. O‘shanda Chempionshipning "Preston"ga qarshi o‘yinida uning dubli "tulkilar"ga 3:0 hisobida g‘alaba qozonishga yordam bergandi.