"Ayntraxt"ning chap qanot himoyachisi Nataniel Braun faoliyatini "Barselona"da davom ettirishi mumkin. Bu haqda jurnalist Florian Plettenberg xabar bermoqda.

Manbaga ko‘ra, futbolchini "Manchester Yunayted" ham diqqat bilan kuzatib bormoqda. "Ayntraxt" kelasi yozda Braunni ushlab qololmasligiga ishonchi komil, ammo shu bilan birga, klub uni sotishdan taxminan 60-70 million yevro ishlab olmoqchi.

Joriy mavsumda 22 yoshli Braun barcha turnirlarda 18 ta uchrashuvda maydonga tushib, 1 ta gol urdi va 3 ta golli uzatmani o‘z hisobiga yozdirib qo‘ydi.