"Айнтрахт"нинг чап қанот ҳимоячиси Натаниэль Браун фаолиятини "Барселона"да давом эттириши мумкин. Бу ҳақда журналист Флориан Плеттенберг хабар бермоқда.
Манбага кўра, футболчини "Манчестер Юнайтед" ҳам диққат билан кузатиб бормоқда. "Айнтрахт" келаси ёзда Браунни ушлаб қололмаслигига ишончи комил, аммо шу билан бирга, клуб уни сотишдан тахминан 60-70 миллион евро ишлаб олмоқчи.
Жорий мавсумда 22 ёшли Браун барча турнирларда 18 та учрашувда майдонга тушиб, 1 та гол урди ва 3 та голли узатмани ўз ҳисобига ёздириб қўйди.













