Muhammad Saloh "Liverpul"da o‘z darajasidan ancha past mavsum o‘tkazmoqda. Biroq, misrlik yulduz forvard Saudiya Arabistoni klublari e’tiborida qolmoqda. Bu haqda talkSPORT o‘z manbalariga tayanib xabar bermoqda.

Salohning yomon formasi saudiyaliklarning pozisiyasiga ta’sir qilmadi - ular hali ham qachondir misrlik futbolchini o‘z safiga qo‘shib olishga tayyor. Transfer yaqin yozda - Muhammadning "Enfild"dagi amaldagi shartnomasi tugashidan bir yil oldin amalga oshirilishi mumkin.

2025/2026 yilgi mavsumda Saloh 18 ta o‘yinda maydonga tushib, beshta gol va uchta golli uzatmani o‘z hisobiga yozdirib qo‘ydi. Nufuzli "Transfermarkt" portali 33 yoshli futbolchini 45 million yevroga baholamoqda.