"Real Madrid" va "Manchester Yunayted"ning sobiq himoyachisi Rafael Varan Madrid klubiga qo‘shilgandan keyin duch kelgan psixologik muammolari haqida gapirdi.

"Real Madrid"ga qo‘shilganimdan keyin birinchi muammolarim boshlandi. Men 18 yoshda edim va oddiy yoshligim yo‘q edi. Men yolg‘iz edim, doimiy mashg‘ulotlar o‘tkazardim va deyarli o‘ynamasdim. Orzularim so‘nib borayotgandek his qildim.

Maydonda men butunlay diqqatimni jamlagan edim. Lekin keyin uyga qaytishni xohlamadim. Bu depressiya edi. Men endi hech narsadan zavqlanmasdim. Muvaffaqiyatga erishish uchun bundan o‘tishim kerak deb o‘ylagandim. 2018 yilgi Jahon chempionatidan keyingi davr ham juda qiyin bo‘ldi. Siz orzuingizga erishasiz, o‘zingizni jahon futbolining cho‘qqisida topasiz va keyin qulash sodir bo‘ladi.

Pandemiya menga o‘sha depressiv holatdan chiqishga yordam berganini eslayman. Men barcha bu his-tuyg‘ularga dosh bera oldim va qayta tiklana oldim", - deya Varanning so‘zlarini keltiradi Le Monde.

Varan 2011 yildan 2021 yilgacha "Real Madrid" safida o‘ynagan. U "Los Blankos" bilan uch marta Ispaniya ligasi, Qirollik kubogi va to‘rt marta Chempionlar Ligasida g‘olib bo‘lgan.