"PSJ" yarimhimoyachisi Vitinya jamoaning joriy mavsumdagi o‘yinlariga baho berdi.
Parijliklar Liga 1da 30 ochko jamg‘arib, "Lans"dan (31) keyin 2-o‘rinda bormoqda. Chempionlar Ligasida Fransiya klubi 12 ochko bilan musobaqa umumiy jadvalida 2-o‘rinda bormoqda.
"Biz mavsumni yaxshi boshladik. Albatta, biz ligada ikkinchi o‘rindamiz va bu bizga yoqmaydi. Biz har doimgidek birinchi bo‘lishni xohlaymiz, ammo mavsumning boshlanishiga bir nechta omillar ta’sir qildi: o‘tgan mavsumning aks-sadosi, qisqa tanaffus, charchoq, jarohatlar soni va hech qachon optimal tarkibda o‘ynamaganimiz.
Mavsum startiga ko‘p narsa ta’sir qiladi, shuning uchun bularning barchasini, shuningdek, Chempionlar Ligasi va chempionatdagi o‘rnimizni hisobga olgan holda, menimcha, bu yaxshi start. Albatta, biz ikkinchi bo‘lishni yoqtirmaymiz va birinchi o‘ringa qaytish uchun qo‘limizdan kelganini qilamiz", - dedi Vitinya.
