"Brayton" markaziy himoyachisi Yan-Pol van Xekke Londonning "Tottenxem" klubi a’zosiga aylanishi mumkin. Bu haqda TEAMtalk xabar bermoqda.
Manbaga ko‘ra, "shporlar" 25 yoshli niderlandiyalik futbolchining o‘yinini diqqat bilan kuzatib bormoqda. Van Xekkening klub bilan shartnomasi 2027 yilning yozida yakuniga yetadi, shuning uchun "chaykalar" uni tekinga yo‘qotmaslik uchun kelasi yili qo‘yib yuborishi mumkin. Transfer summasi taxminan 45 million yevroni tashkil qilishi mumkin.
Joriy mavsumda van Xekke barcha musobaqalarda 16ta o‘yinda maydonga tushdi va 3ta gol urdi.













