Nigeriya terma jamoasining sobiq bosh murabbiyi Sandi Olisex sensasion bayonot berdi — unga ko‘ra, “Galatasaray” hujumchisi Viktor Osimxen tez orada “Real Madrid”ga o‘tishi mumkin.
Olisexning aytishicha, bu ma’lumot ishonchli manbadan kelgan:
“Osimxenning "Real Madrid"ga o‘tishi haqida juda ko‘p gap-so‘zlar bor. Qayerdan eshitganimni aytmayman, lekin menga uning transferi amalga oshishi aytildi. Nima bo‘lishini ko‘ramiz, lekin bu xabarni Nigeriyadagi ishonchli bir muhim shaxsdan eshitganimda juda xursand bo‘ldim,” — dedi u.
26 yoshli Osimxenning istanbulliklar bilan 2029 yil yozigacha mo‘ljallangan shartnomasi bor. Transfermarkt uni 75 million yevroga baholamoqda.
Osimxen joriy mavsumda 13 ta o‘yinda 9 ta gol urishga erishdi.
