Нигерия терма жамоасининг собиқ бош мураббийи Санди Олисех сенсацион баёнот берди — унга кўра, “Галатасарай” ҳужумчиси Виктор Осимхэн тез орада “Реал Мадрид”га ўтиши мумкин.

Олисехнинг айтишича, бу маълумот ишончли манбадан келган:

“Осимхеннинг "Реал Мадрид"га ўтиши ҳақида жуда кўп гап-сўзлар бор. Қаердан эшитганимни айтмайман, лекин менга унинг трансфери амалга ошиши айтилди. Нима бўлишини кўрамиз, лекин бу хабарни Нигериядаги ишончли бир муҳим шахсдан эшитганимда жуда хурсанд бўлдим,” — деди у.

26 ёшли Осимхеннинг истанбулликлар билан 2029 йил ёзигача мўлжалланган шартномаси бор. Transfermarkt уни 75 миллион еврога баҳоламоқда.

Осимхен жорий мавсумда 13 та ўйинда 9 та гол уришга эришди.