Germaniya terma jamoasi bosh murabbiyi Yulian Nagelsman JCH-2026da terma jamoaning guruhdagi raqiblarini baholadi.
5 dekabr, juma kuni Vashingtonda JCH-2026ga qur’a tashlash marosimi bo‘lib o‘tdi, unda Germaniya terma jamoasi Ekvador, Kot-d'Ivuar va Kyurasao bilan bir guruhdan joy oldi.
"Guruh uncha oson emas, lekin yengib o‘tsa bo‘ladigan. Biz guruh bosqichi o‘yinlarida g‘alaba qozonishni maqsad qilganmiz. Eng muhimi, qadam-baqadam harakat qilib, barcha uchrashuvlarni muvaffaqiyatli o‘tkazish va pley-offga chiqishdir. Har bir raqibga hurmat bilan yondashish kerak. Kyurasaoni tahlil qilish qiziqarli bo‘ladi. Kot-d'Ivuar - yengsa bo‘ladigan jamoa, ammo uni past baholash xato bo‘ladi. Ekvador bilan oson kechmaydi. Ularning tarkibida chinakam yulduzlar bor," - deb Nagelsmanning so‘zlarini keltiradi AP News.
Jahon chempionati 2026 yilning 11 iyunidan 19 iyuliga qadar uchta davlat - AQSH, Kanada va Meksikada bo‘lib o‘tadi. Unda ilk bor 48 ta jamoa 12 ta guruhga bo‘lingan holda ishtirok etadi.
