«Neftchi» futbol klubi germaniyalik mutaxassis Hans-YUrgen Gyode yordamchi murabbiy etib tayinlanganini e’lon qildi.

Hans-YUrgen Gyode 1956 yilda Germaniyaning  Gelzenkirxen shahrida tug‘ilgan.

Futbolchilik faoliyati:

Hans-YUrgen Gyode professional faoliyatini “Shalke 04” klubida boshlagan.

Keyinchalik «Preussen» va “Fortuna Düsseldorf” jamoalarida to‘p surgan.

Ayniqsa «Fortuna» safida uzoq yillar yetakchi futbolchi va sardor bo‘lib, 343 ta o‘yinda maydonga tushib, 48 ta gol muallifi bo‘lgan.

Murabbiylik faoliyati:

Gyode murabbiylik faoliyatini 1991 yilda “Fortuna Dyusseldorf”da boshlagan.

Shundan so‘ng Eronning «Persepolis» klubini boshqargan, yoshlar termasiga rahbarlik qilgan va bir qator Osiyo va Yevropa  klublarida  faoliyat olib borgan.

Xalqaro tajriba:

U turli yillarda Eron, Bahrayn, Malayziya, Ozarbayjon, Liviya, Myanma va Germaniya klublarida faoliyat yuritgan.

Shuningdek, murabbiy O‘zbekistondagi faoliyati orqali ham allaqachon tanish bo‘lib ulgirgan. Gyode 2003–2004 yillarda O‘zbekiston milliy terma jamoasida yordamchi, keyin esa bosh murabbiy sifatida ham ishlagan.