Ma’lumki, 2026 yilgi mavsum uchun “Andijon” klubi oldiga jiddiy maqsadlar qo‘yilmoqda.
Bugun “Andijon” futbol klubi qarorgohida viloyat hokimi Shuhratbek Abdurahmonov jamoa a’zolari bilan uchrashdi. “Andijon”ning ashaddiy muxlislari viloyat rahbarini ko‘tarinki kayfiyatda kutib oldi.
Shuhratbek Qo‘shoqboyevich, jamoa bosh murabbiyi Samvel Babayan bilan olib borilayotgan seleksiya ishlari yuzasidan suhbatlashdi va bu borada aniq reja hamda vazifalar belgilab olindi.
Jamoa a’zolari bilan uchrashuvda ham viloyat hokimi barcha shart-sharoitlar muhayyo etilishini, keyingi yilga vazifa jiddiy bo‘lishini alohida ta’kidladi.
Shu bilan birga 24 dekabr kuni Qatarda “Al-Ahli”ga qarshi o‘tadigan o‘yinda ham jamoani puxta tayyorgarlik ko‘rishini hamda g‘alaba qozonib qaytishlari muhimligini aytib, “Burgutlar”ga omad tiladi.
