Ispaniya terma jamoasi ustozi Luis de la Fuente Argentina terma jamoasiga qarshi Finalissima haqida fikr bildirdi.
"Bu o‘yinni kutish kerak. Ushbu uchrashuv bo‘yicha tez orada bir qarorga kelinadi. Men bajonidil Finalissimada ishtirok etgan bo‘lardim. Bu ajoyib futboldan zavqlanish va yana bir sovrinni qo‘lga kiritish uchun ajoyib imkoniyat," - deya mutaxassisning so‘zlarini keltiradi Marca gazetasi.
Eslatib o‘tamiz, Finalissima bitta o‘yindan iborat. Sovrin uchun Yevropa chempionati va Amerika kubogining amaldagi g‘oliblari kurash olib boradi.
