Испания терма жамоаси устози Луис де ла Фуэнте Аргентина терма жамоасига қарши Финалиссима ҳақида фикр билдирди.
"Бу ўйинни кутиш керак. Ушбу учрашув бўйича тез орада бир қарорга келинади. Мен бажонидил Финалиссимада иштирок этган бўлардим. Бу ажойиб футболдан завқланиш ва яна бир совринни қўлга киритиш учун ажойиб имконият," - дея мутахассиснинг сўзларини келтиради Marca газетаси.
Эслатиб ўтамиз, Финалиссима битта ўйиндан иборат. Соврин учун Европа чемпионати ва Америка кубогининг амалдаги ғолиблари кураш олиб боради.
