Madridning "Real" klubi markaziy himoyachisi Eder Militao yana jarohat oldi.
Bugun La Liganing "Selta"ga qarshi o‘yinida braziliyalik futbolchi asosiy tarkibda maydonga tushdi, ammo 24-daqiqada Xabi Alonso uni Antonio Ryudigerga almashtirishga majbur bo‘ldi. Jarohatning qay darajada jiddiyligi tekshiruvlardan so‘ng aniq bo‘ladi. Uch kundan so‘ng "qaymoqranglilar" Chempionlar ligasida "Manchester Siti" bilan muhim o‘yin o‘tkazishi kerak.
Yozda Eder Militao xochsimon bog‘lam jarohatidan tuzalgan edi. Joriy mavsum davomida 27 yoshli futbolchi yangi jarohatlar tufayli bir necha bor qisqa muddatga o‘yinlarda ishtirok etmadi.













