"Yuventus" bosh murabbiyi Luchano Spalletti A Seriya 14-turidan o‘rin olgan "Napoli"ga (1:2) qarshi o‘yinga munosabat bildirdi.
"Ular bizdan kuchli edi. To‘p uzatishda juda qo‘rqoq edik. Maydon markazida ustunlik qilmoqchi edik, ammo buni uddalay olmadik va natijada ular bizni yugurishga majbur qilishdi, butun maydon bo‘ylab quvishdi.
Sof hujumchi yo‘qmidi? To‘pni yaxshi boshqaradigan Yildiz va Konseysau bilan o‘ynab ko‘rmoqchi edik. Lokatelli juda pastlab ketdi, ikki hujumchi yetarlicha harakat qilmadi. Biz istagan narsani qila olmadik. Ikkinchi bo‘limda yaxshiroq edi, yakkama-yakka o‘ynadik, ammo ular ochiq maydonda o‘yinni yaxshi o‘zgartirishadi", dedi Spaletti.
"Yuventus" 14-turdan keyin Italiya chempionati jadvalida 7-o‘rinda bormoqda. Jamoa 23 ochkoga ega, bu peshqadam "Napoli"dan 8 taga kam.
