“Maklaren” jamoasining britaniyalik 26 yoshli poygachisi Lando Norris mavsum yakunlariga ko‘ra Formula-1 bo‘yicha Jahon chempioniga aylandi.
Norris 7 dekbar, yakshanba kuni Birlashgan Arab Amirliklari poytaxtida o‘tkazilgan Abu-Dabi Gran-pri turnirida uchinchi o‘rinni egalladi. Bu esa unga umumiy ro‘yxatda mavsum chempionligini taqdim etdi. Shu bilan u Maks Ferstapnpenning to‘rt yillik chempionlik seriyasiga chek qo‘ydi. Maks Ferstappen (“Red Bull”) Abu-Dabi Gran-prisi g‘olibi bo‘ldi, ammo umumiy ro‘yxatda Norrisga yeta olmadi.
Britaniyaning “Maklaren” jamoasi 2025-yilgi mavsum yakuniga ko‘ra birdaniga ikki muhim seriyani to‘xtatdi. Norrisning chempionligi – 2008-yildan (o‘sha paytda Luis Hamilton chempion bo‘lgan) beri qayd etilayotgan qora an’anaga chek qo‘ygan bo‘lsa, Konstruktorlar kubogidagi muddatidan avvalgi chempionlik esa jamoaga “oltin dubul”ni rasmiylashtirish imkonini berdi. Ular 2024-yilda ham aynan shu sovrinni qo‘lga kiritgan edi. “Maklaren” oxirgi marta 1988–1991-yilgi mavsumda ketma-ket konstruktorlar kubogida g‘olib bo‘lgan, 1998–2024 yillar oralig‘ida esa jamoa bu sovrinni umuman qo‘lga kirita olmagandi.
2025-yilgi mavsum yakunlari (Top-10)
Lando Norris (“Makleron”) — 423 ochko
Maks Verstappen (“Red Bull”) — 421
Oskar Piastri (“Makleron”) — 410
Jorj Rassell (“Mersedes”) — 319
Sharl Lekler (“Ferrari”) — 242
Luis Hemilton (“Ferrari”) — 156
Andrea Kimi Antonelli (“Mersedes”) — 150
Aleks Albon (“Uilyams”) — 73
Karlos Sains (“Uilyams”) — 64
Fernando Alonso (“Aston Martin”) — 56.
