"Barselona" va Ispaniya terma jamoasi sobiq markaziy himoyachisi Jerar Pike kataloniyaliklarning joriy mavsumda ko‘rsatayotgan o‘yini haqida o‘z fikrlarini bildirdi.
"Vahima va shovqinlar maydonda sodir bo‘layotganidan ham ko‘proq bo‘lmoqda. “Barsa” juda ham o‘tkan mavsumni eslatyapti – jamoa ultra hujumkor, tavakkalchilikka to‘la va muxlislar uchun shou namoyish etmoqda.
Ular ko‘p gol urishadi, tavakkalchilik tufayli ko‘p gol o‘tkazib yuborishadi, lekin bu Xansi Flik qo‘l ostidagi model. Va bu model bilan “Barsa” har bir musobaqada g‘alaba qozonishga da’vogar", - dedi Pike.
"Ko‘k-anorranglilar" ertaga Chempionlar ligasi doirasida "Ayntraxt"ni qabul qiladi.
