«Liverpul» bosh murabbiyi Arne Slot jamoa hujumchisi Muhammad Salohning reaksiyasi haqida fikr bildirdi.

«U qanday hissiyotni boshidan kechirsa, u bunga haqli. Men esa uning holatini shanba kuni kechqurungacha umuman sezmaganman. Chunki, odatda, futbolchi maydonga tushmay qo‘ysa, murabbiyni yoqtirmay qo‘yadi. Shunga qaramay, u doim mening shtabimga, jamoadoshlariga hurmat bilan munosabatda bo‘lgan va mashg‘ulotda jiddiy ishtirok etgan. Shu bois o‘yindan keyin u aytgan gaplarni eshitish men uchun bir oz kutilmagan holat bo‘ldi.

Ammo aytib o‘tganimdek, bu birinchi va oxirgi holat emas — yetarlicha o‘yin amaliyotiga  esa bo‘lmayotgan futbolchi (bilmayman, u o‘sha paytda hissiyotga berildimi yo yo‘qmi) shunga o‘xshash gaplarni aytib qo‘yadi. Mening reaksiyam ham tushunarli: bu kecha u bizning safimizda emas», — deb Slotning so‘zlarini klub matbuot xizmati keltiradi.

Joriy mavsumda Saloh «Liverpul» safida 19 ta o‘yin o‘tkazib, beshta gol urdi va uchta golli uzatma berdi. Hujumchining amaldagi shartnomasi 2027 yil yozigacha mo‘ljallangan.