«Ливерпуль» бош мураббийи Арне Слот жамоа ҳужумчиси Муҳаммад Салоҳнинг реакцияси ҳақида фикр билдирди.

«У қандай ҳиссиётни бошидан кечирса, у бунга ҳақли. Мен эса унинг ҳолатини шанба куни кечқурунгача умуман сезмаганман. Чунки, одатда, футболчи майдонга тушмай қўйса, мураббийни ёқтирмай қўяди. Шунга қарамай, у доим менинг штабимга, жамоадошларига ҳурмат билан муносабатда бўлган ва машғулотда жиддий иштирок этган. Шу боис ўйиндан кейин у айтган гапларни эшитиш мен учун бир оз кутилмаган ҳолат бўлди.

Аммо айтиб ўтганимдек, бу биринчи ва охирги ҳолат эмас — етарлича ўйин амалиётига  эса бўлмаётган футболчи (билмайман, у ўша пайтда ҳиссиётга берилдими ё йўқми) шунга ўхшаш гапларни айтиб қўяди. Менинг реакциям ҳам тушунарли: бу кеча у бизнинг сафимизда эмас», — деб Слотнинг сўзларини клуб матбуот хизмати келтиради.

Жорий мавсумда Салоҳ «Ливерпуль» сафида 19 та ўйин ўтказиб, бешта гол урди ва учта голли узатма берди. Ҳужумчининг амалдаги шартномаси 2027 йил ёзигача мўлжалланган.