"Liverpul"ning sobiq yarim himoyachisi Denni Myorfi klub qanot hujumchisi Muhammad Salohning o‘z jamoasi uchun yana o‘ynashiga ishonch bildirmoqda.
"Menimcha, u hali o‘ynaydi, chunki uning vaziyatni o‘nglashga vaqti bor. Hamma Saloh kabi afsonaviy o‘yinchining jamoa bilan chiroyli xayrlashishini istaydi. Ehtimol, o‘tmishdagi buyuk futbolchilar bilan bo‘lgani kabi, bu mavsum oxirida sodir bo‘ladi.
Umid qilamanki, u boshidan kechirgan barcha narsalarni hisobga olgan holda, hammasi yaxshilik bilan tugaydi. Vaziyatni "Liverpul" nazorat qilmoqda, chunki ularda uning shartnomasi mavjud. Ammo agar u ketishga qat’iy qaror qilgan bo‘lsa, balki yanvar oyidayoq qandaydir o‘zgarishlarni ko‘rishimiz mumkin," - deya Myorfining so‘zlarini BBC keltirmoqda.
