"Ливерпуль"нинг собиқ ярим ҳимоячиси Дэнни Мёрфи клуб қанот ҳужумчиси Муҳаммад Салоҳнинг ўз жамоаси учун яна ўйнашига ишонч билдирмоқда.
"Менимча, у ҳали ўйнайди, чунки унинг вазиятни ўнглашга вақти бор. Ҳамма Салоҳ каби афсонавий ўйинчининг жамоа билан чиройли хайрлашишини истайди. Эҳтимол, ўтмишдаги буюк футболчилар билан бўлгани каби, бу мавсум охирида содир бўлади.
Умид қиламанки, у бошидан кечирган барча нарсаларни ҳисобга олган ҳолда, ҳаммаси яхшилик билан тугайди. Вазиятни "Ливерпуль" назорат қилмоқда, чунки уларда унинг шартномаси мавжуд. Аммо агар у кетишга қатъий қарор қилган бўлса, балки январь ойидаёқ қандайдир ўзгаришларни кўришимиз мумкин," - дея Мёрфининг сўзларини BBC келтирмоқда.
