Madridning "Real" klubi braziliyalik 27 yoshli himoyachisi Eder Militao chap oyog‘ining ikki boshli mushagi yorilishi va proksimal payining shikastlanishi tufayli 3-4 oy maydonga tusha olmaydi. Bu haqda jurnalist va insayder Fabrisio Romano X ijtimoiy tarmog‘ida jurnalist Arancha Rodriges ma’lumotiga tayanib xabar berdi.

Manbaga ko‘ra, bunday uzoq tiklanish payning shikastlanishi bilan bog‘liq bo‘lib, bu oyoqning harakat funksiyasini cheklaydi. Braziliyalik futbolchi La Liga 15-turidan o‘rin olgan "Selta"ga (0:2) qarshi bahsda jarohat olgan.

Joriy mavsumda futbolchi klub safida barcha musobaqalarda 16 ta o‘yinda maydonga tushib, 1 ta gol urdi va 1 ta golli uzatmani amalga oshirdi. Militaoning "Qirollik klubi" bilan shartnomasi 2028 yilning yozigacha mo‘ljallangan.