Мадриднинг "Реал" клуби бразилиялик 27 ёшли ҳимоячиси Эдер Милитао чап оёғининг икки бошли мушаги ёрилиши ва проксимал пайининг шикастланиши туфайли 3-4 ой майдонга туша олмайди. Бу ҳақда журналист ва инсайдер Фабрицио Романо Х ижтимоий тармоғида журналист Аранча Родригес маълумотига таяниб хабар берди.
Манбага кўра, бундай узоқ тикланиш пайнинг шикастланиши билан боғлиқ бўлиб, бу оёқнинг ҳаракат функциясини чеклайди. Бразилиялик футболчи Ла Лига 15-туридан ўрин олган "Сельта"га (0:2) қарши баҳсда жароҳат олган.
Жорий мавсумда футболчи клуб сафида барча мусобақаларда 16 та ўйинда майдонга тушиб, 1 та гол урди ва 1 та голли узатмани амалга оширди. Милитаонинг "Қироллик клуби" билан шартномаси 2028 йилнинг ёзигача мўлжалланган.
