"Barselona" bosh murabbiyi Xans-Diter Flik Chempionlar Ligasining qolgan o‘yinlarida jamoaning imkoniyatlari haqidagi fikrlari bilan o‘rtoqlashdi.
Kataloniya giganti "Ayntraxt Frankfurt" ustidan 2:1 hisobida g‘alaba qozonganiga qaramay, turnir jadvalida atigi 14-o‘rinda bormoqda.
"Barsa" oltita o‘yindan so‘ng 12 ochkoga ega - bu kuchli sakkizlikda joylashgan jamoalardan ikki ochkoga kam.
"Biz bu ishni bosqichma-bosqich hal qilamiz. Bizning maqsadimiz qolgan ikkita o‘yinda g‘alaba qozonish va yana olti ochko olish.
Ikkala raqib ham biz uchun jiddiy muammolar tug‘dirishi mumkin. Biz taslim bo‘la olmaymiz", dedi Flik matbuot anjumanida.
