"Real"ning sobiq hujumchisi Garet Beyl nega "Oltin to‘p"ni qo‘lga kirita olmagani haqidagi savolga javob berdi.
"Menimcha, "Oltin to‘p" shunchaki maydondagi o‘yindan ko‘ra ko‘proq narsa. Sening OAVda imijing bo‘lishi kerak. Men bunday bo‘lmasligini istardim, lekin bu shunday. Men ba’zi yillarda dunyodagi eng yaxshilardan biri bo‘lganimni bilaman, lekin menga tashqaridan e’tirof kerak emas edi. Men hech qachon "Oltin to‘p" uchun kurashmaganman," - deya Beylning so‘zlarini keltiradi GQ.
Beyl 2023 yil boshida futbolchilik faoliyatini yakunladi. Uning so‘nggi klubi "Los-Anjeles" edi. Shuningdek, u "Sautgempton", "Tottenxem" va "Real" klublarida ham o‘ynashga ulgurgan.













