Shaxmatning «Freestyle» yo‘nalishi bo‘yicha yilning yakuniy final musobaqasi Janubiy Afrikaning Keyptaun shahrida bo‘lib o‘tayotganidan xabaringiz bor.

O‘zbekistonlik grossmeyster Javohir Sindarov turnirning yarim final bosqichi doirasida jahonning birinchi raqamli shaxmatchisi Magnus Karlsenga qarshi dona surdi.

30+15 ko‘rinishidagi rapid formatida Javohir oq donalarda o‘ynab imkoniyatni boy bergan bo‘lsa, qora donalarda g‘alaba qozondi. Natijada g‘olib nomi "blis"da aniqlanadigan bo‘ldi.

Sindarov tezkor "5+2" ko‘rinishidagi to‘qnashuvning ilk o‘yinida yutqazdi (oqlarda). Javob o‘yinida esa hamyurtimiz g‘alabaga juda yaqin edi. Ammo Magnus doimiy shohlar evaziga vaziyatni durangga olib borishga erishdi. Umumiy hisob — 1,5 - 2,5, Karlsen foydasiga.

Javohir Sindarov ertaga uchinchi o‘rin uchun germaniyalik Vinsent Keymerga qarshi dona suradi. 3-o‘rin egasi 80.000, 4-o‘rinni band etgan shaxmatchi esa 60.000 dollarni qo‘lga kiritadi.

kecha o‘tkazilgan saralash bahslarida 1-o‘rinni egallagani haqida ma’lumot berib o‘tgandik.

Hamyurtimiz bugun chorak final bosqichi doirasida eronlik Parham Maqsudluga qarshi bahs olib bordi. Sindarov har ikkala partiyada raqibini mag‘lub etdi — 2:0.

Javohir yarim finalda norvegiyalik shaxmatchi Magnus Karlsenga qarshi dona suradi. Vatandoshimiz saralash bosqichida ushbu raqibni mag‘lub etgan edi. Magnus chorak finalda Fabiano Karuana (AQSH) ustidan g‘alabaga erishdi.

Finalda esa Magnus Karlsen va Levon Aronyan (AQSH) to‘qnash kelishadi.