«Manchester Siti» hujumchisi Erling Xoland klub bilan 10 yillik shartnoma uzaytirilgani haqida fikr bildirib, APLda o‘ynayotganidan mamnunligini aytdi.

«Men shartnomani rahbariyat bilan o‘tkazilgan suhbatlar va kelgusi yillarga oid rejalar tufayli ham imzoladim — shu loyihaning bir qismi bo‘lishni istadim. Men xotirjamman, diqqatim jamlangan, bu yerda juda baxtliman. Bu rivojlanish uchun juda yaxshi joy. Va, oxir-oqibat, Angliya – futbol mamlakati. Menimcha, bu futbol o‘ynash uchun eng yaxshi makon…» — deya Xolandning so‘zlarini City Xtra The Rest is Football podkastiga tayanib keltiradi.

Joriy mavsumda 25 yoshli forvard klub uchun barcha musobaqalarda 20 ta o‘yinda maydonga tushib, 20 ta gol va uchta golli uzatma qayd etgan. Futbolchining amaldagi shartnomasi 2034 yil iyungacha amal qiladi.