"Qo‘qon-1912" rasmiy telegram-kanali jamoa bosh murabbiyi Bahrom Haydarov bilan xayrlashganini ma’lum qildi.
«2024 yilda “Qo‘qon-1912” rahbariyati tomonidan jamoaga bosh murabbiy etib tayinlangan Bahrom Haydarov jamoani iqtidorli futbolchilar bilan mustahkamlash va chempionatning istalgan jamoasiga qarshi kurashuvchan jamoa tuzish vazifasi qo‘yilgandi. Murabbiy bu vazifani katta mas’uliyat bilan bajarishga kirishdi. 2024 yilgi mavsumda "Qo‘qon-1912" jamoasini Proligadan olib chiqishga erishdi va yakunlangan mavsum Superligada olib qolishga muvaffaqt bo‘ldi. Murabbiy joriy mavsum Superliganing TOP-6 jamoalarning barchasiga haqiqiy kurash taqdim eta oladigan jamoa tashkil qildi va muxlislarga yoqadigan futbol ko‘rsatdi.
Bahrom Haydarov boshqaruvidagi jamoa 49 ta rasmiy uchrashuv o‘tkazib, 19 ta g‘alaba, 14 ta durang va 16 ta mag‘lubiyatni qayd etdi.
O‘tgan yili jamoamizni Proligadan olib chiqishga erishgan va yakunlangan mavsumda "Qo‘qon-1912" jamoasini Superligada olib qolishga muvaffaq bo‘lgan Bahrom Haydarovning keyingi faoliyatiga omad tilab qolamiz», - deyiladi klub xabarida.
