"Real" bosh murabbiyi Xabi Alonso Madrid klubi muxlislarining unga nisbatan hushtakbozligiga munosabat bildirdi. Chempionlar ligasi 6-turidan o‘rin olgan "Manchester Siti"ga (1:2) qarshi o‘yindan so‘ng muxlislar mutaxassisga hushtakbozlik qilishdi.

"Siti" bilan o‘yindan keyin muxlislar menga hushtakbozlik qilishdimi? Bu normal holat, yangilik yo‘q. Uyda yutmasang, shunaqa ishlar bo‘lib turadi. Ammo muxlislar bizni qo‘llab-quvvatlagan va jamoa kerakli energiyani his qilgan boshqa holatlar ham bo‘lgan. Bu bizga oldinga siljish imkonini berdi.

Aslida biz bu hushtakni muqarrar deb qabul qilishimiz kerak, chunki "Real"ga bosim juda katta. Va biz hammasini o‘zgartirmoqchimiz. Biz asta-sekin ham ruhan, ham jismonan tiklanishimiz kerak, bundan tashqari, futbolchilar jarohatdan tiklanishlari kerak. Oldinda ko‘p vaqt bor. Biz xotirjamlikni saqlashimiz kerak, chunki mavsum uzoq. Va bugun halokatli tuyulgan narsa ma’lum vaqtdan keyin butunlay o‘zgarishi mumkin", - deya Alonsoning so‘zlarini keltiradi RMC Sport.