"Реал" бош мураббийи Хаби Алонсо Мадрид клуби мухлисларининг унга нисбатан ҳуштакбозлигига муносабат билдирди. Чемпионлар лигаси 6-туридан ўрин олган "Манчестер Сити"га (1:2) қарши ўйиндан сўнг мухлислар мутахассисга ҳуштакбозлик қилишди.
"Сити" билан ўйиндан кейин мухлислар менга ҳуштакбозлик қилишдими? Бу нормал ҳолат, янгилик йўқ. Уйда ютмасанг, шунақа ишлар бўлиб туради. Аммо мухлислар бизни қўллаб-қувватлаган ва жамоа керакли энергияни ҳис қилган бошқа ҳолатлар ҳам бўлган. Бу бизга олдинга силжиш имконини берди.
Аслида биз бу ҳуштакни муқаррар деб қабул қилишимиз керак, чунки "Реал"га босим жуда катта. Ва биз ҳаммасини ўзгартирмоқчимиз. Биз аста-секин ҳам руҳан, ҳам жисмонан тикланишимиз керак, бундан ташқари, футболчилар жароҳатдан тикланишлари керак. Олдинда кўп вақт бор. Биз хотиржамликни сақлашимиз керак, чунки мавсум узоқ. Ва бугун ҳалокатли туюлган нарса маълум вақтдан кейин бутунлай ўзгариши мумкин", - дея Алонсонинг сўзларини келтиради RMC Sport.
