"Liverpul" yarimhimoyachisi Dominik Soboslai Chempionlar Ligasi musobaqasining umumiy bosqichidan o‘rin olgan "Inter"ga (1:0) qarshi safar o‘yini haqida fikr bildirdi.
"His-tuyg‘ular juda yaxshi, ayniqsa, bunday paytlarda. Jamoa bo‘lib jang qildik. Biz oxirigacha kurashamiz va hech qachon taslim bo‘lmaymiz. Natijada og‘ir mehnat o‘zini oqladi va biz buni uddaladik. Biz o‘zimiz bilan uch ochko olamiz.
Bu avvalgi o‘yinlarimizdan farq qiladi. Ammo "Lids"ga qarshi bu juda yaxshi ishladi... Murabbiy bizni shu sxemaga qo‘yadi va biz aynan shu sxemada natijani ko‘rsatishimiz kerak. Agar u boshqa narsa qilayotgan bo‘lsa, biz ham boshqacha yo‘l tutishimiz kerak.
Hammaning sa’y-harakati kerak. Faqat himoyachilarni emas. Hammasi hujumchidan boshlanadi, keyin yarimhimoyachilar, keyin himoyachilar, yana Alisson bor. Agar hamma maksimal darajada harakat qilsa, bizga gol urish juda qiyin bo‘ladi", - deya 25 yoshli vengriyalik futbolchining so‘zlarini keltiradi klub matbuot xizmati.
Soboslai "Inter" bilan o‘yinda yagona golni penaltidan kiritdi. Uning jamoasi Chempionlar ligasi umumiy turnir jadvalida olti o‘yindan keyin 12 ochko bilan to‘qqizinchi o‘rinda bormoqda.
