"Manchester Siti" va Norvegiya terma jamoasi hujumchisi Erling Xoland 2026 yilgi jahon chempionatida ko‘z yoshlarini tiyolmasligi mumkinligini tan oldi.
Eslatib o‘tamiz, Norvegiya terma jamoasi 1998 yildan buyon ilk bor turnirning final bosqichiga yo‘l oldi. Shu bilan birga, 1994 yilda Xolandning otasi Alf-Inge milliy terma jamoa tarkibida AQSHda bo‘lib o‘tgan jahon chempionatida ishtirok etgan.
"Otam 1994 yilda AQSHda bo‘lib o‘tgan jahon chempionatida o‘ynagan, shuning uchun u yerga borib o‘ynash imkoniyati haqiqatan ham o‘ziga xos narsa. Balki madhiya ijro etilayotganda yig‘larman," - deya hujumchining so‘zlarini keltiradi CBS Sports.
Norvegiya terma jamoasi saralash guruhida birinchi o‘rinni egalladi va to‘g‘ridan-to‘g‘ri jahon chempionatiga yo‘l oldi.
