"Barselona" vingeri Markus Reshford Ispaniyaga moslashuvi qanday kechayotgani haqidagi savolga javob berdi.
Kataloniya grandi futbolchini yozda "Manchester Yunayted"dan ijaraga olgan edi. Bitim sotib olish opsiyasini o‘z ichiga oladi.
"Barcha jamoadoshlarim meni yaxshi kutib olishdi. Men boshidanoq shaharda o‘zimni qulay his qildim. Men birinchi marta Manchesterdan tashqarida yashayapman, lekin endi o‘zimni uydagidek his qila boshladim. Ispan tilida yanada yaxshiroq gapirishni istayman - buning ustida faol ishlayapman," - deya 28 yoshli futbolchining so‘zlarini keltiradi Mundo Deportivo.
Markus Reshford "Barselona" safida barcha musobaqalarda 21 ta o‘yinda 6 ta gol va 11 ta assistni o‘z hisobiga yozdirib qo‘ygan.













