Yevropa ligasi umumiy bosqich 6-turi doirasida "Aston Villa" safarda Shveysariyaning "Bazel" klubini 2:1 hisobida mag‘lub etdi.

Ushbu g‘alaba Unai Emeri jamoasi uchun barcha musobaqalarda qatorasiga sakkizinchi g‘alaba bo‘ldi. Avvalroq "Aston Villa" "Arsenal" (2:1), "Brayton" (4:3), "Vulverxempton" (1:0), "Yang Boyz" (2:1), "Lids" (2:1), "Bornmut" (4:0) va "Makkabi"ni (2:0) mag‘lub etgandi.

OptaJeo ma’lumotlariga ko‘ra, "Aston Villa" 1914 yil mart oyidan beri birinchi marta ketma-ket sakkizta o‘yinda g‘alaba qozongan.

Ortda qolgan 15 turdan so‘ng "Aston Villa" 30 ochko bilan Angliya chempionati turnir jadvalida uchinchi o‘rinda bormoqda.