"Nyukasl"ning o‘ng qanot himoyachisi Tino Livramento yangi shartnoma bo‘yicha qarorni mavsum oxiriga qadar kechiktirmoqchi. Bu haqda jurnalist Kreyg Xoup xabar bermoqda.
Manbaga ko‘ra, futbolchi mehnat shartnomasini uzaytirishga shoshilmaslikka qaror qilgan, chunki unga "Manchester Siti" jiddiy qiziqish bildirmoqda. Eslatib o‘tamiz, "shaharliklar" Livramentoni joriy yilning yozidan buyon kuzatib kelmoqda.
Joriy mavsumda 23 yoshli ingliz barcha musobaqalarni qo‘shib hisoblaganda 14ta o‘yinda maydonga tushdi va bitta assist muallifiga aylandi.
