"RB Leypsig" futbolchisi Yan Diomande Angliya Premyer-ligasi vakillari orasida katta talabga ega.
19 yoshli iqtidor egasi "Manchester Siti", "Liverpul", "Tottenxem", "Chelsi" va APLning boshqa klublari radarlariga tushdi, deya xabar bermoqda insayder Florian Plettenberg. Turli mish-mishlarga qaramay, da’vogarlarning hech biri hozircha ivuarlik yulduz bo‘yicha muzokaralarda oldinga siljigani yo‘q.
Yan Diomandening "RB Leypsig" bilan shartnomasi 2030 yilgacha mo‘ljallangan bo‘lib, unda tovon puli ko‘rsatilmagan. Vingerning transferi jahon chempionati - 2026 yildan keyin amalga oshishi mumkin, ammo "qizil buqalar" juda katta summa - 100 million yevrodan ko‘proq so‘rashadi.













