"РБ Лейпциг" футболчиси Ян Диоманде Англия Премьер-лигаси вакиллари орасида катта талабга эга.
19 ёшли иқтидор эгаси "Манчестер Сити", "Ливерпуль", "Тоттенхэм", "Челси" ва АПЛнинг бошқа клублари радарларига тушди, дея хабар бермоқда инсайдер Флориан Плеттенберг. Турли миш-мишларга қарамай, даъвогарларнинг ҳеч бири ҳозирча ивуарлик юлдуз бўйича музокараларда олдинга силжигани йўқ.
Ян Диоманденинг "РБ Лейпциг" билан шартномаси 2030 йилгача мўлжалланган бўлиб, унда товон пули кўрсатилмаган. Вингернинг трансфери жаҳон чемпионати - 2026 йилдан кейин амалга ошиши мумкин, аммо "қизил буқалар" жуда катта сумма - 100 миллион евродан кўпроқ сўрашади.
