Dortmundning "Borussiya" klubi markaziy himoyachi Niko Shlotterbek transferi uchun taxminan 50 million yevro so‘raydi.
Nemis klubi va futbolchining amaldagi kelishuvi 2027 yilning 30 iyuniga qadar mo‘ljallangan.
"Borussiya" unga bonuslar bilan birga yiliga 14 million yevro maoshli yangi shartnoma taklif qilmoqda. Himoyachi klub bilan shartnomani qayta imzolashga shoshilmayapti.
Avvalroq, futbolchiga "Bavariya" qiziqish bildirayotgani haqida xabarlar tarqalgan edi. Myunxen klubida Shlotterbek yiliga kamida 15 million yevro ishlab topishi mumkin.
Germaniyalik ushbu mavsumda Bundesligada 9ta o‘yin o‘tkazib, 1ta gol urgan va 1ta golga hammualliflik qilgan.
