Дортмунднинг "Боруссия" клуби марказий ҳимоячи Нико Шлоттербек трансфери учун тахминан 50 миллион евро сўрайди.
Немис клуби ва футболчининг амалдаги келишуви 2027 йилнинг 30 июнига қадар мўлжалланган.
"Боруссия" унга бонуслар билан бирга йилига 14 миллион евро маошли янги шартнома таклиф қилмоқда. Ҳимоячи клуб билан шартномани қайта имзолашга шошилмаяпти.
Аввалроқ, футболчига "Бавария" қизиқиш билдираётгани ҳақида хабарлар тарқалган эди. Мюнхен клубида Шлоттербек йилига камида 15 миллион евро ишлаб топиши мумкин.
Германиялик ушбу мавсумда Бундеслигада 9та ўйин ўтказиб, 1та гол урган ва 1та голга ҳаммуаллифлик қилган.
