Fransiyalik xavbek Eduardo Kamavinga Madridning "Real" klubini tark etishi mumkin. "Qirollik klubi" 23 yoshli yarim himoyachi bo‘yicha takliflarni ko‘rib chiqishga tayyor, deb xabar beradi Desensa Central.

Manbaga ko‘ra, "qaymoqranglilar" futbolchini sotishdan taxminan 100 million yevro ishlab olmoqchi. "Real" fransiyalik futbolchining transferidan tushadigan mablag‘ni jamoaning o‘rta chizig‘iga yangi futbolchilar sotib olishga sarflaydi.

Eduardo bilan ehtimoliy xayrlashuvga futbolchining ko‘p jarohat olishi sabab qilib ko‘rsatilmoqda.

Yarim himoyachi joriy mavsum "Real" safida 15 ta o‘yinda ishtirok etdi. Kamavinga ikkita gol va bitta golli uzatma muallifiga aylandi.