Франциялик хавбек Эдуардо Камавинга Мадриднинг "Реал" клубини тарк этиши мумкин. "Қироллик клуби" 23 ёшли ярим ҳимоячи бўйича таклифларни кўриб чиқишга тайёр, деб хабар беради Desensa Central.
Манбага кўра, "қаймоқранглилар" футболчини сотишдан тахминан 100 миллион евро ишлаб олмоқчи. "Реал" франциялик футболчининг трансферидан тушадиган маблағни жамоанинг ўрта чизиғига янги футболчилар сотиб олишга сарфлайди.
Эдуардо билан эҳтимолий хайрлашувга футболчининг кўп жароҳат олиши сабаб қилиб кўрсатилмоқда.
Ярим ҳимоячи жорий мавсум "Реал" сафида 15 та ўйинда иштирок этди. Камавинга иккита гол ва битта голли узатма муаллифига айланди.
